Kinda liked this poem
Aisi Apni Wife ho
5'2" Jiski height Ho,
Jeans Jiski Tight Ho,
Chehara Jiska Bright Ho,
Weight Mein Thodi Light Ho,
Umar Me Difference Slight Ho,
Thodi See Wo Quiet Ho,
Aisi Apni Wife Ho.
Sadak Per Sab Kahe Kya Cute Ho,
Bhid Me Sab Kahe Side Ho , Side Ho,
India Ki Paidaish Ho,
Sas Ki Seva Jiski Khwahish Ho,
Aisi Apni Wife Ho.
Padosi Jab Baat Kare To Haath Me Knife Ho,
Dinner Candle Light Ho,
Dono Me Na Kabhi Fight Ho,
Milne Ke Baad Dil Delight Ho
Hey Prabhu Teri
Archana Uski Life Ho.
Yeh Kavita Padhke Sab Kahe
"Guru, Tum Right Ho"
Aisi Apni Wife Ho
Kaash Yeh Concept 0.0001 Percent Bhi Right Ho,
Agar Aisi Apni Wife Ho To
Kya Hasin Life Ho Har Kisi Ki Yahi Farmaish Ho,
Kudrat Ki Bhi Aajmaish Ho
Khudah Ke Software Mein Bhi Bug Ki Na Gunjaish Ho,
Ay Kaash,
Kahin to Ek Aisi Paidaish Ho, Aisi Apni Wife Ho
-Anon
Probably bcos I (dont) fit the bill : )
posted by L*J @ 9:02 PM
2 comments
2 Comments:
Read this --
MUSHKIL HAI APNA MEL PRIYE
mushkil hai apna mel priye, ye pyar nahin hai khel priye,
mushkil hai apna mel priye, ye pyar nahin hai khel priye,
tum MA 1st division ho, main hua matric fel priye,
mushkil hai apna mel priye, ye pyar nahin hai khel priye,
tum fauji afsar ki beti, main to kisaan ka beta hoon,
tum rabadi kheer malai ho, main to sattu sapreta hoon,
tum AC ghar mein rahti ho, main ped ke neeche leta hoon,
tum nai maruti lagti ho, main scooter lamreta hoon,
is kadar agar hum chup-chup kar aapas me prem badhaenge,
to ek roz tere daddy amrish puri ban jaaenge,
sab haddi pasli tod mujhe bhijwaa denge vo jail priye,
mushkil hai apna mel priye, ye pyar nahin hai khel priye,
tum arab desh kee ghodi ho, main hoon gadahe ki naal priye,
tum deewali ka bonus ho, main bhookho ki hadtaal priye,
tum heere jadi tashtari ho, main almunium ka thaal priye,
tum chicken-soop bi! ryani ho, main kankad waali daal priye,
tum hiran-chaokadi bharti ho, main hoon kachue ki chaal priye,
tum chandan-wan ki lakdi ho, main hoon babool ki chaal priye,
main pake aam sa latka hoon, mat maaro mujhe gulel priye,
mushkil hai apna mel priye, ye pyar nahin hai khel priye,
main shani-dev jaisa kuroop, tum komal kanchan kaya ho,
main tan-se man-se kanshi ram, tum maha chanchala maya ho,
tum nirmal paawan ganga ho, main jalta hua patanga hoon,
tum raaj ghaat ka shanti march, main hindu-muslim danga hoon,
tum ho poonam ka taajmahal, main kaali gufa ajanta ki,
tum ho vardaan vidhata ka, main galti hoon bhagvanta ki,
tum jet vimaan ki shobha ho, main bus ki thelam-thel priye,
mushkil hai apna mel priye, ye pyar nahin hai khel priye,
tum nai videshi mixi ho, main patthar ka silbatta hoon,
tum AK-saintalis jaisi, main to ik desi katta hoon,
tum chatur rabadi devi si, main bhola-bhala lalu hoon,
tum mukt sherni jangal ki! , main chidiyaghar ka bhaalu hoon,
tum vyast sonia gandhi si, main v.p.singh sa khali hoon,
tum hansi madhuri dixit ki, main policeman ki gaali hoon,
kal jel agar ho jaaye to dilwa dena tum bel priye,
mushkil hai apna mel priye, ye pyar nahin hai khel priye,
main dhabe ke dhaanche jaisa, tum paanch sitara hotel ho,
main mahue ka desi tharra, tum red-label ki botel ho,
tum chitra-haar ka madhur geet, main krishi-darshan ki jhaadi hoon,
tum vishva-sundari si kamaal, main teliya chaap kabadi hoon,
tum sony ka mobile ho, main telephone waala chonga,
tum machli maansarovar ki, main saagar tat ka hoon ghongha,
dus manzil se gir jaaooga, mat aage mujhe dhakel priye,
mushkil hai apna mel priye, ye pyar nahin hai khel priye,
tum satta ki maharani ho, main vipaksha ki lachari hoon,
tum ho mamta-jailalita si, main kwara atal-bihari hoon,
tum tendulkar ka shatak priye, main follow on ki paari hoon,
tum getz, matiz, corolla ho mai! n Leyland ki lorry hoon,
mujhko refree hi rehne do, mat khelo mujhse khel priye,
mushkil hai apna mel priye, ye pyar nahin hai khel priye,
main soch raha ki rahe hain kabse, shrota mujhko jhel priye,
mushkil hai apna mel priye, ye pyar nahin hai khel priye.
Akshaya
Hey thanx for dropping in wit these lines, I'm a lil dumbstruck for words now. Will drop by ur blog soon.
Post a Comment
<< Home